• सोमवार, माघ २१, २०७५

जि.पि.पौडेल / काठमाडौं,माघ २१ । ट्रेकिङ एजेन्सिज एशोसिएसन अफ नेपाल (टान) ले अन्तर्राष्ट्रिय मिडिया र केहि व्यक्तिहरुले फेक रेस्क्यूको गलत प्रचार गरेर भ्रमण वर्षलाई प्रभावित पार्न खोजेको दाबी गरेको छ ।

आज सोमबार विज्ञप्ति जारी गरी टानले फेक रेस्क्यूबारे सरकारले कार्यदल गठन गरी नियमन गरिरहेका बेला अन्तर्राष्ट्रिय सञ्चारमाध्यमले गलत प्रचार गरेको आरोप लगाएको हो ।

सोही प्रसंगमा टुरिजम संचारको कुराकानीमा टानका अध्यक्ष नवराज दाहालले फेक रेस्क्यूको प्रकरणमा संस्कृति, पर्यटन तथा नागरिक उड्डयन मन्त्रालयले कार्यदल गठन गरेर समाधान गरेको र फेरी केहि सञ्चार माध्यमहरुले कपोकल्पित समाचार बनाएर पुन ः सम्प्रेषण गरेकोले टानको गम्भीर ध्यानाकर्षण भएको बताएका छन ।

सरकारले २० लाख पर्यटक भित्राउने लक्ष्य सहित घोषणा गरेको भिजिट नेपाल २०२० कार्यक्रमलाई प्रभावित गर्न नेपालको पर्यटन माफियाहरुले पदयात्रा तथा पर्वतारोहण र उद्धार सम्बन्धी कपोकल्पित क्रियाकलाप गरेको अध्यक्ष दाहालले दावी गरे ।

बिज्ञप्तीमा फेक रेस्क्यूको प्रकरण चर्किएपछि संस्कृति, पर्यटन तथा नागरिक उड्डयन मन्त्रालयले ‘पर्यटन खोज उद्धार, उपचार तथा अनुगमन सम्बन्धी कार्यविधि–२०७५’ बनाएको थियो । यो कार्यविधि कार्यान्वयन गर्न मन्त्रालयले कार्यदल समेत गठन गरेको छ ।

फेक रेक्स्यूबारे रहेको अन्योल निक्र्यौल भइसकेको दाबी गर्दै टानले केही शक्तिले अनर्गल प्रचार गरेर सरकारले घोषणा गरेको भ्रमण वर्षलाई विफल बनाउन खोजेको तर्क गरेको छ ।